Post by Thoithoi O'Cottage on Sept 8, 2017 15:06:19 GMT 5.5
মীওইবগি লোনসি য়াম্না নুংঙাইবা অমনি৷ লোন লোনগি তোঙান তোঙানবা নুংঙাইবা লৈজৈ৷ মনিপুরি লোনসিশু মওঙ অমদা য়াম্না নুংঙাই খল্লী৷ মসিগি মনুং চন্না ৱাহৈ অমদা ওন্না তৈনবা ৱাহন্থোক অনীমক য়াওবা অসি লৌখৎপা য়াই৷ পরিং অসিদা ঙসিগি ওইনা কাবা অমসুং কূম্বা হায়বা ৱাহৈ অনীসি য়েংসি ৷
কাবা /kàbə/ ৱাহন্থোক য়াম্না লৈ৷ মদুগি মনুংদা য়াম্না নুুংঙাইবা, ওন্না তৈনবা ৱাহন্থোক অনীদি
(১) থবক চৎপা
অমসুং
(২) থবক হল্লকপা
অসিনি৷ খূদম ওইনা মখাগি ৱাহৈপরেং জুুুুরাশিংসি য়েংসি:
কাবা
মহাক ঙসিদি হকচাং ঙমদদুনা ঙন্না (লৌ) কাখ্রে৷ (হনখিবা)
মাদি ওফিস কাখ্রিনে৷ (চৎখিবা)
কূম্বা
মোনবিদু লৌ কূমখ্রি৷ হৌজিক লৈতে৷ (চৎখিবা)
নবোকপু কৈথেল কূম্লকত্রিব্রনে হৌজীকফাওবা? (হল্লকপা)
কূম্বা /kùmbə/ গিশু ৱাহন্থোক য়াম্মী৷ ময়ামদুগি মনুংদা মথক্তা কূম্বা গিদা পীরিবা ওন্না তৈনবা ৱাহন্থোক অনীসিমক মাগিসুু লৈ৷
কূম্বা হায়বসি ইচম চম্বদা অৱাংবা মফমদগি অনেম্বদা চৎপনি৷ থবক চৎপগি অর্থদা শীজিন্নবা কূম্বসি মসিগা মরী লৈনৈ৷ য়ূমসি অয়াম্বদা লৌবূক নত্রগা পাৎকুম্বদগি হেন্না ৱাংবা মফমদা লৈ৷ অদুনা মনিপুরিশিংনা লৌউ শীংউবনা মখোয়গি মপূং ওইবা শিনফম ওইরিঙৈ মতমদা লৌদা নত্রগা পাৎতা কূম্বসি মখোয়গি থবক চৎপা ওইরম্মী৷ মতৌ অসুম্না কূম্বা হায়বসিগি ৱান্থোকশিংগি মনুংদা থবক তৌবা চৎপা হায়বসিসু অমা ওইরকখি৷
কূম্বগি ইচম চম্বা ৱাহন্থোক্কা মথক্তা পীরিবা থৈদোরক্লবা ৱাহন্থোক অসিগা নক্নবসি লৌমীশিংনা খরা ৱাংবা মফমদা নত্রগা ৱাংনা য়ূম্ফম থোনগৎলগা শাবা লৌশঙদগি মদুগা য়েংনবদা অনেম্বদা লৈবা লৌদা থবক হৌনবা কূমথবা অসিনি৷
মতৌ অসুম্না কাবা হায়বসি ইচম চম্বদা অনেম্বদগি অৱাংবদা চৎপা অসিগা মরী লৈননা লৌবূক্তগি থবক লোইরগা অৱাংবদা লৈবা লৌশঙদা চৎপা নত্রগা য়ূমদা হনবা অদুবু খঙনৈ৷ কনাগুম্বনা থবক ঙাইহাক লেপ্লগা লৌশঙদা পোত্থাবনচিংবা চৎখ্রবদি মহাক কাখ্রি হায়নৈ৷ অকোনবগি অসিদি ইচম চম্বা ৱাহন্থোক্কা হেন্না নকশিন্নৈ খল্লী৷ হেন্না থৈদোরক্লবা ৱাহন্থোক্তি থবক লোইরগা অনেম্বা লৌবুক্তগি অৱাংবা লৌশঙদা কারকপা অদুগা মদুগি মতুংদা য়ূমদা হল্লকপা অসিনি৷
মতৌ অসুম্না কনাগুম্বনা লৌ কূমখ্রবদি মহাক লৌদা থবক শূবা চৎলিবনি৷ মহাক্না লৌ কারক্লবদি থবক লোইরগা হল্লকই হায়বনি৷
মসিগী ওন্নবদা মনিপুরিদা কাবা না থবক চৎপা অদুগা কূম্বা না থবক লোইরগা হনবগি ৱাহন্থোক্তসু শীজিন্নৈ৷ মসি ৱাহৈশিংসিগি অচম্বা ৱাহন্থোকশিংদগি থৈদোরক্লবা ৱাহন্থোকশিংনি৷ অদুম ওইনমক হায়রিবা থৈদোক্লবা ৱাহন্থোকশিং অসি অচম্বা ৱাহন্থোকশিংদা মরুদি অদুম তারিবনি৷ নিংথৌ পাল্লিঙৈ মতমগি লৈবাক অমগি কোনুংসি অৱাংবা মফমদা শারমদবদি য়াই অদুবু মসি লৈবাক অদুগি খ্বাইদগি লেম্না, কিননা, ৱাংনা লৌনবা মফমনি৷ অদুনা কোনুংদা চৎপসি অৱাংবা মফম অমদা কাবগা চপ মান্ননা লৌনরকখি৷ মতৌ অসুম্না কনাগুম্বনা কোনুংদা চৎলবদি মহাক্না তৌরিবদু কোনুং কাবা কৌরে৷ মতৌ অসুম্না থাক ৱাংবা মফমসিদগি থবক লোইরগা নেমথনা লৌনবা মফমদা চৎপা নত্রগা হনববু কূম্বা অমুক কৌরে৷
কোনুং অমদি লৈরক্কি থাক্কি অনেম অৱাংগা মরী লৈনবা ৱাহন্থোক অসিদা শীজিন্নবা কাবা অমসুং কূম্বসি কোন্নদা ইতিহাসকি পরিংদা খরা থেঙথরকপদা লাইরিক লাইশু তম্বা, ওফিস চৎপা অসিনচিংবসি মনিপুরগি মীয়ামগি নুংতিগি পুন্সিগি শরূক অমা ওইরক্লবা মতমদা হেন্না অমুক পাক শন্না শীজিন্নরকখি৷ লৌউ শীংউবগা মরী লৈনবা ইচম চম্বা কাবা-কূম্বগি ৱাফমদগি থৈরবা ৱাহন্থোক্তা ৱাহৈশিং অসি পাক শন্না শীজিন্নরকপসি মহৈ মশিং তম্বা, মহৈ মশিং হৈবা, ওফিস চৎপনচিংবসি থাক ৱাংনা লৌনরকপা, ইচম চম্না লেনবা য়ূমগি পুন্সিদগি হেন্না থাক ৱাংনা লৌনরকপদগিনি৷ মসি মনিপুর সমাজদা লাকপা অহোংবা, মীশিংগি মীৎয়েংদা থোক্লকপা অহোংবশিং অদুনা মরম ওইদুননি৷
মতৌ অসুম্না কনাগুম্বনা স্কুলদা, কোলেজদা নত্রগা ওফিসতা নুংতিগি মথৌ ওইনা চৎলবদি মহাক স্কুল কায়, কোলেজ কায়, ওফিস কায় হায়নৈ৷ ওফিসতগি হল্লকপবু ওফিসতগি কূম্লকপসু হায়নরম্মী৷ খরা অহল ওইবসিংগি মরক্তা মসি হায়নবা য়াওরমখিনি খল্লী৷ অদুম ওইনমক কূম্বা অসি স্কুল কোলেজগদি শীজিন্নবা তাদে৷
কাবা /kàbə/ ৱাহন্থোক য়াম্না লৈ৷ মদুগি মনুংদা য়াম্না নুুংঙাইবা, ওন্না তৈনবা ৱাহন্থোক অনীদি
(১) থবক চৎপা
অমসুং
(২) থবক হল্লকপা
অসিনি৷ খূদম ওইনা মখাগি ৱাহৈপরেং জুুুুরাশিংসি য়েংসি:
কাবা
মহাক ঙসিদি হকচাং ঙমদদুনা ঙন্না (লৌ) কাখ্রে৷ (হনখিবা)
মাদি ওফিস কাখ্রিনে৷ (চৎখিবা)
কূম্বা
মোনবিদু লৌ কূমখ্রি৷ হৌজিক লৈতে৷ (চৎখিবা)
নবোকপু কৈথেল কূম্লকত্রিব্রনে হৌজীকফাওবা? (হল্লকপা)
কূম্বা /kùmbə/ গিশু ৱাহন্থোক য়াম্মী৷ ময়ামদুগি মনুংদা মথক্তা কূম্বা গিদা পীরিবা ওন্না তৈনবা ৱাহন্থোক অনীসিমক মাগিসুু লৈ৷
কূম্বা হায়বসি ইচম চম্বদা অৱাংবা মফমদগি অনেম্বদা চৎপনি৷ থবক চৎপগি অর্থদা শীজিন্নবা কূম্বসি মসিগা মরী লৈনৈ৷ য়ূমসি অয়াম্বদা লৌবূক নত্রগা পাৎকুম্বদগি হেন্না ৱাংবা মফমদা লৈ৷ অদুনা মনিপুরিশিংনা লৌউ শীংউবনা মখোয়গি মপূং ওইবা শিনফম ওইরিঙৈ মতমদা লৌদা নত্রগা পাৎতা কূম্বসি মখোয়গি থবক চৎপা ওইরম্মী৷ মতৌ অসুম্না কূম্বা হায়বসিগি ৱান্থোকশিংগি মনুংদা থবক তৌবা চৎপা হায়বসিসু অমা ওইরকখি৷
কূম্বগি ইচম চম্বা ৱাহন্থোক্কা মথক্তা পীরিবা থৈদোরক্লবা ৱাহন্থোক অসিগা নক্নবসি লৌমীশিংনা খরা ৱাংবা মফমদা নত্রগা ৱাংনা য়ূম্ফম থোনগৎলগা শাবা লৌশঙদগি মদুগা য়েংনবদা অনেম্বদা লৈবা লৌদা থবক হৌনবা কূমথবা অসিনি৷
মতৌ অসুম্না কাবা হায়বসি ইচম চম্বদা অনেম্বদগি অৱাংবদা চৎপা অসিগা মরী লৈননা লৌবূক্তগি থবক লোইরগা অৱাংবদা লৈবা লৌশঙদা চৎপা নত্রগা য়ূমদা হনবা অদুবু খঙনৈ৷ কনাগুম্বনা থবক ঙাইহাক লেপ্লগা লৌশঙদা পোত্থাবনচিংবা চৎখ্রবদি মহাক কাখ্রি হায়নৈ৷ অকোনবগি অসিদি ইচম চম্বা ৱাহন্থোক্কা হেন্না নকশিন্নৈ খল্লী৷ হেন্না থৈদোরক্লবা ৱাহন্থোক্তি থবক লোইরগা অনেম্বা লৌবুক্তগি অৱাংবা লৌশঙদা কারকপা অদুগা মদুগি মতুংদা য়ূমদা হল্লকপা অসিনি৷
মতৌ অসুম্না কনাগুম্বনা লৌ কূমখ্রবদি মহাক লৌদা থবক শূবা চৎলিবনি৷ মহাক্না লৌ কারক্লবদি থবক লোইরগা হল্লকই হায়বনি৷
মসিগী ওন্নবদা মনিপুরিদা কাবা না থবক চৎপা অদুগা কূম্বা না থবক লোইরগা হনবগি ৱাহন্থোক্তসু শীজিন্নৈ৷ মসি ৱাহৈশিংসিগি অচম্বা ৱাহন্থোকশিংদগি থৈদোরক্লবা ৱাহন্থোকশিংনি৷ অদুম ওইনমক হায়রিবা থৈদোক্লবা ৱাহন্থোকশিং অসি অচম্বা ৱাহন্থোকশিংদা মরুদি অদুম তারিবনি৷ নিংথৌ পাল্লিঙৈ মতমগি লৈবাক অমগি কোনুংসি অৱাংবা মফমদা শারমদবদি য়াই অদুবু মসি লৈবাক অদুগি খ্বাইদগি লেম্না, কিননা, ৱাংনা লৌনবা মফমনি৷ অদুনা কোনুংদা চৎপসি অৱাংবা মফম অমদা কাবগা চপ মান্ননা লৌনরকখি৷ মতৌ অসুম্না কনাগুম্বনা কোনুংদা চৎলবদি মহাক্না তৌরিবদু কোনুং কাবা কৌরে৷ মতৌ অসুম্না থাক ৱাংবা মফমসিদগি থবক লোইরগা নেমথনা লৌনবা মফমদা চৎপা নত্রগা হনববু কূম্বা অমুক কৌরে৷
কোনুং অমদি লৈরক্কি থাক্কি অনেম অৱাংগা মরী লৈনবা ৱাহন্থোক অসিদা শীজিন্নবা কাবা অমসুং কূম্বসি কোন্নদা ইতিহাসকি পরিংদা খরা থেঙথরকপদা লাইরিক লাইশু তম্বা, ওফিস চৎপা অসিনচিংবসি মনিপুরগি মীয়ামগি নুংতিগি পুন্সিগি শরূক অমা ওইরক্লবা মতমদা হেন্না অমুক পাক শন্না শীজিন্নরকখি৷ লৌউ শীংউবগা মরী লৈনবা ইচম চম্বা কাবা-কূম্বগি ৱাফমদগি থৈরবা ৱাহন্থোক্তা ৱাহৈশিং অসি পাক শন্না শীজিন্নরকপসি মহৈ মশিং তম্বা, মহৈ মশিং হৈবা, ওফিস চৎপনচিংবসি থাক ৱাংনা লৌনরকপা, ইচম চম্না লেনবা য়ূমগি পুন্সিদগি হেন্না থাক ৱাংনা লৌনরকপদগিনি৷ মসি মনিপুর সমাজদা লাকপা অহোংবা, মীশিংগি মীৎয়েংদা থোক্লকপা অহোংবশিং অদুনা মরম ওইদুননি৷
মতৌ অসুম্না কনাগুম্বনা স্কুলদা, কোলেজদা নত্রগা ওফিসতা নুংতিগি মথৌ ওইনা চৎলবদি মহাক স্কুল কায়, কোলেজ কায়, ওফিস কায় হায়নৈ৷ ওফিসতগি হল্লকপবু ওফিসতগি কূম্লকপসু হায়নরম্মী৷ খরা অহল ওইবসিংগি মরক্তা মসি হায়নবা য়াওরমখিনি খল্লী৷ অদুম ওইনমক কূম্বা অসি স্কুল কোলেজগদি শীজিন্নবা তাদে৷