Post by Thoithoi O'Cottage on Sept 7, 2017 10:15:09 GMT 5.5
Last night it rained here in this part of Delhi where I live. Its sound was so sweet. The sound of the rain is my crush. After sleepless nights, days and nights of sleep and wakefulness in fits and starts of about two weeks, finally sleep came heavily on me after 60 hours of sleeplessness at a stretch. The rain continued.
The alarm rang long before the dawn. I could not remember setting it. The last time I went to Manipur (yes, recently), I was so busy that such basic things of life as food and sleep became secondary–I worked at the studio day and night, without sleeping for 48 hours or more. I must have set it then, not to miss the dawn run of the Kakching Runners. Things often slip off my mind. But back to Delhi, I have not once heard the alarm ringing. Strange.
When I woke up, it was still raining, though slow. In the dark. I could not go back to sleep. Then memory brought a lot of things back to me. My thought was set into motion. My emotions aroused.
ঙরাং অহিং দেলিগি ঐনা লৈবা মফমদা নোং খরা তাখি৷ মখোলদু য়াম্না নুংশি৷ নোংগি মখোলসি ঐগি ঙাওজবীনি৷ ইতৎ তত্তনা অহিং তূমদবা, খরা তূম্বা য়াও তূমদবা য়াও হপ্তা অনী লৈরকপনা মমৈদা অমুক্তদা পূং ৬০ চূপ্না তূম্লক্ত্রবা মতুংদা ঙরাং অহিংদি য়াম্না তুম্নীংবা ফাওখি৷ নোংদু অদুম তাহৌই৷
নোং ঙানগদবা ৱাৎলিঙৈদা অলার্ম খোংলকই৷ মদু থমখিবা ঐ নীংশিংদ্রে৷ ঐনা মনিপুরদা অকোনবা চৎলুবদা অহিং নুংথিল তূম্বা চাবা খঙদনা ষ্টুদিওদা থবক চিনখিবা, অহিং অনীকা তূমদনা থবক তৌখিবা, মদুদা ককচীং রন্নর্স কাঙবুগা নোং ঙাল্লমদাইদা লমজেল চেনশি হৌনখিবদু শোয়দনবা থমখিবা ওইরম্বা য়াই৷ ঐ খরা কাউগল্লী৷ অদুবু নহানমখৈদি ঐগি ফোনগি অলার্মসি অমুক্তসু খীংলকপা তাদে৷ করিনো খঙদে৷
হৌগৎলকপদা নোং খরা খরা চুরম্লি৷ অমম্বদা৷ অমুক তূম্মু য়াদ্রে। অদুদগিদি করি করিনো য়াম্না নীংশিংলক্লে৷ করি করিনো য়াম্না খল্লক্লে৷ করি করিনো য়াম্না ফাওরক্লে৷
(১)
অহিংগি ঈচীক হুনবদা
ঊৎমান মচুগি অনেম্বা অতিয়া মখাদা
কাঙলূপ কাঙলূপ ঊচানশিংদো
মুশুক মশুক
মুরূম মুরূম
অরোনবা অমা তানবগুম
কৈনোমা ৱানা ঙাইবগুম
মীৎশেন খাঙদুনা
(য়ৌরকহন্নীংদবা নুংশিবরা মদো?
কুইরবা অহিংদু নীংশিংলি
মমা মপানা পমদুনা পুরকখিবদু
অচীকপা ময়োম অমা য়ূমদা, অপীকপা মচলগি
তুমিন্না, ঈচীক চীক্না
অরাপ্পা লায়েংশঙদগি৷)
লেঙদবা অহিংবু চুরূপকুম চিংদুনা
নিংথমগি অৱাউবা মনিল কামদুনা৷
অচীকপদা
মখোয়গি ফি তক্নবগি মখোল
মখোয়গি শোরনা চঙবগি থোকপগি৷
নুংশীৎ শীৎলকপদা
মখোয়গি মশমশু মফিশু
মায়কৈ অমদা ফ্র-ফ্র৷
য়েংবশু৷
মখোয়না ঙাইরিবদু নুংশীৎনা চেনবীখ্রগুম
ঊনাগুম মরী মরী
হনুবগি মীৎনদি উদবা৷
২.
তপ!
তপ!
তপ তপ!
তপ!
অতিয়ানা থোঙ থীল্লক্লে
মীৎশেন খাঙলিঙৈ তূম্বা ঊনাগি৷
তূম্বা য়াদবা অহিংদা
অহিংনা ঈচীক হুনবদা
নাকোঙগি ঈখৌলাংবা মখূৎ মশা মরেং ঙম্নমক
মরেঙ মরেঙ লামথোরকই৷
খোঞ্জেল মরীক অমত্তশু!
লৈতাদবা ফমুংদা লোংনা৷
নোংগি অশাংবা মরীশিংদু চেন্থরক্লে
মুশুক মশুকপা ঊচান মরক্তা
মখোলদি ইথোক থোকহন্দ
অরোনবা থবক তৌরিবগুম
হোন্দোক হোঞ্জিন তৌরিবগুম অরোনবা খরা
মালেমগা অতিয়াগগি মরক্তা
তপ্না, য়াম্না তপ্না
অচীকপদা খোঞ্জেলদং থিবা
তূম্বা য়াদবা হনুবতনা তাগদবা মতৌদা৷
৩.
নুমীৎনা মমীৎ পাঙলকপদা
উচেক ৱায়া ঈরাঙ লাঙলে৷
অদুগা লৈমায়--মদু অশিবগি ইমুংগুম
ইহিং হিংই, তরু তরুই,
খোঙ্গুল অমত্তশু তাদে
ঊচানগি শম্না অমত্তসু
ঊনা খরদু নত্তনা কদায়দগিনো খঙদবা
অকংবা, কংফাত্তবা, নাপু৷
অরোনববু অশুক লোনব্রনে?